Нейробиология және технология мүмкіндіктері, балаларды тәрбиелеу және ұжымдарда жұмыс істеу.
2022-11-22 17:54
25 елден келген 350 халықаралық спикер Қазақстанда 5000-нан астам көрермен үшін 120 сараптамалық сессия, панельдік пікірталас және мастер-класс өткізеді.
Заманауи әлемде білім жаңа экономика мен қоғамның дамуының ажырамас бөлігі болып табылады және адами капиталдың өсуіне негіз болады. Білім беру сапасын, оның қолжетімділігі мен шарттарын арттыру тек мектептерге ғана емес, бүкіл ел экономикасына да үлес қосу дегенді білдіреді.
Ксения Верба, ауылдық аумақтарды тұрақты дамыту қорының басшысы, білім берудің қолжетімділігі туралы мәселе баланың аумақтық тиесілігін де ескеруі тиіс екенін атап өтті: "Оқытудың заманауи әдістері туралы айтатын болсақ, жаңа шындықтар қалалық оқушыға да, ауылдан келген оқушыға да қолайлы және сапалы жағдай жасауға мүмкіндік беретінін түсіну керек. Бұл үшін - ересектердің балаға көмектесуге деген шынайы тілегі мен ұмтылысы қажет. Осылайша біз қала мен ауылдың білімі арасындағы алшақтықты қысқарта аламыз, ауыл балаларына олардың болашағына сенетінімізді және олардың дамуына көмектесуге дайын екенімізді көрсете аламыз".
EdCrunch Reload 2022 конференциясының нәтижесінде біз оның артында әлемдік білім берудің болашағы жатқан 5 трендті жинадық.
Зерттеулік оқыту Педагогикалық дизайнер және халықаралық оқыту жөніндегі маман Исаи Эрнандес Агилар өз сөзінде атап өткендей, заманауи оқу процестерін жаңғырту қажет. Оқушылар мен студенттер материалдарды оқып қана қоймай, өз іс-әрекеттерінің мәнін де түсінуі керек: болашақта білімді қандай мақсатта және қайда қолдануға болатынын. Дәл сол кезде оқушылардың тек бағдарламаны өтуге ғана емес, сонымен қатар оқу кезінде ашылатын мүмкіндіктерді өз бетінше зерттеуге шабыттары ашылады.
Оқытудағы жасанды интеллект Білім беру ортасына жасанды интеллект технологиясын енгізу студенттер үшін де, оқытушылар үшін де сөзсіз артықшылықтарға ие. Жасанды интеллект оқытудың жеке траекториясын есептей алады, қиындыққа сәйкес материалды ұсына алады және тапсырмалардың орындалуын тексере алады. ЖИ сонымен қатар мүмкіндігі шектеулі оқушыларға немесе аймақтардағы оқушыларға білім беруді қолжетімді етеді. Оқу үдерісіне цифрлық технологияларды енгізу қалалық және ауылдық мектептер арасындағы заманауи алшақтықты қысқартуға мүмкіндік береді.
"Білім беру процесінің ең маңызды бөлігі - оның қол жетімділігі, қала оқушысы үшін де, ауыл үшін де бірдей. Барлығына қолжетімді оқыту балаларды тең жағдайда тәрбиелеуге және олардың әлеуетін барынша арттыруға мүмкіндік береді. Осы мақсатта AITAS холдингі Қазақстанның үш ауданындағы бес мектепте өзін ойдағыдай көрсеткен "Ауыл мектебі" білім беру бағдарламасын іске асыруда", — деп атап өтті AITAS холдингінің негізін қалаушы Серік Толықпаев.
Жобалық оқыту Оқушыларға арналған жобалық оқыту мүмкіндіктері, ең алдымен, жобалармен жұмыс жасау арқылы білім базасын кеңейтумен және дағдыларды дамытумен сипатталады. Мұндай тәсіл олар шынайы өмірде кездесетін мәселелерді шешу үшін проекция жасауға мүмкіндік береді. Apple компаниясының құрметті оқытушысы, Google сертификатталған инноваторы және Microsoft Innovative Educator Expert инновациялық оқыту саласындағы сарапшысы Кен Шелтон атап өткендей, жобалық оқытудағы ең үлкен жетістік үшін студенттерге өмірде болып жатқан күнделікті істермен мәселелерді шешудің байланысын іздеген дұрыс. Пайда болған қызығушылық ынтаны арттырады және процестерді тереңірек зерттеуге мәжбүр етеді, осы арқылы оқу дағдыларын жақсартады.
Peer-to-peer оқыту Оны оқытудың ең демократиялық нұсқасы деп атауға болады. Peer-to-peer немесе басқаша өзара оқыту бір-бірімен білім, тәжірибе және пікір алмасу арқылы білім беру процесінің барлық қатысушыларының белсенді рөлін қамтиды. P2P оқытудың маңызды ерекшеліктері - теңдіктің міндетті принципі және оның әрбір қатысушысының әлеуетін пайдалану.
HyFlex цифрлық құралдары HyFlex аралас оқыту форматы бұл - күндізгі және онлайн оқытуды біріктіретін икемді педагогикалық тәсіл. Оны пайдалану студенттерге өз режимін қалыптастыруға мүмкіндік береді. HyFlex-ті енгізу оқытуды ұйымдастыруға және түбегейлі жаңа білім беру бағдарламалары мен курстарын құруға шексіз мүмкіндіктер ашады. Физикалық және цифрлық ортаның тандемі оқушыларға оқудың барлық артықшылықтарын өздеріне ыңғайлы режимде пайдалануға мүмкіндік береді.