Катонқарағай ауылына аудан орталығы мәртебесі қайтарылды
2024-01-10 12:14
Ел мерейін өсірген тамаша жаңалықпен бөліскіміз келеді.
Катонқарағай халқы аудан орталығының Катонқарағай ауылына қайтарылуын тойлап өтті.
Айта кету керек, Мемлекет басшысының бастамасымен Қатон-Қарағай, Марқакөл және Мақаншы аудандары қалпына келтірілетін болды.
Президенттің бастамасын қатонқарағайлықтар ерекше ілтипатпен қабылдады. Өйткені, шекаралық Катонқарағай, Марқакөл аудандарының тұрақты дамуына серпіліс беретіні сөзсіз.
Аламан тойда ҚР Парламенті Мәжіліс депутататары, Катонқарағай ауданының құрметті азаматтары, кәсіпкерлері бас қосты.
Ауылдық аймақтарды тұрақты дамыту қоры Катонқарағай, Марқакөл аудандарының 1997 жылдағы әкімшілік-аумақтық қалпыне келтіру сұрақтарын жүйелі түрде көтерген болатын. Елдің миграциялық көңіл күйіне тікелей әсер ететін осы оң шешім шекаралық ауданнан халықтың үдемелі көшуін тоқтатуға септігін қосары анық.